研究了賽馬數年，每次與人傾馬時，聽得最多的一句話是「睇你個樣唔似識馬」。我是Charene，一個「睇樣唔似識馬」的女生。這是我第一次撰寫報章專欄，希望心水長貼長中。我擅長研究馬匹血統，當然亦不會忽略其他影響馬匹表現的因素。

元旦日（1月1日）賽事，第二場五班1600米，出馬不足的低班混戰場合，熱門落在潘頓及莫雷拉兩大巨頭身上。潘頓的「萬里威揚」以往四次入Q均沒有任何配備，且並非今仗路程，重戴眼罩並非好事，成為熱門不值博。

而莫雷拉的「奔馳寶馬」上場谷草一哩入直路塞車，未能展現追勢，今場重返贏馬路程，莫雷拉與蘇保羅今季合作兩次取得一W一P全上名，而雷神總能夠令低班馬跑出超水準表現，有望為這位包尾練馬師爭取成績。

「明月昇輝」今戰增程初跑一哩，血統顯示為其最適合路程。今次距離上仗超過兩個半月，其間三課大閘全都有不俗走勢，今場初戴防沙眼罩，早前大閘亦已試好這配備，相信可為此駒帶來新鮮感。今場賽事，一對細冧巴馬有望包Q而回。