經過上周五連番搶修，確保賽道塑膠路肩穩定後，第3次練習賽於上周六晚上7時進行，紅牛車隊繼續勇不可當，澳洲車手韋伯跑出最快圈速，而總成績以284分領先的紅牛車手維特爾最後訓練排第3，至於與日籍索模女友道端謝茜嘉於東京租屋住的麥拿侖車手畢頓居第2位。
賽事以外，丹尼爾近日亦成焦點，一度盛傳因裁員關係，新加坡站後就不會再聽到他「講車」，不過近日可能有轉機；ESPN回應指丹尼爾至少講埋今季賽事，即到11月27日（巴西站）為止。不過新加坡站後，丹尼爾有機會飛往日本及韓國現場睇賽車，車迷可能要到10月底的印度站才聽到他的評述了。
無論前路如何，丹尼爾都選擇以「開心」心情去講今站賽事，他之後計劃搞「講車團」，從公仔廂跳入pub，與車迷近距離睇車講車。「無論能否繼續在ESPN評述，賽車仍然是我的至愛，一齊與車迷睇車講車、吹吹水，都不是無可能的。他們平時只聽到我把聲，未見過我講車時有幾肉緊。」