當年今日

傳舊愛暫別娛圈兼結婚
柏芝自認第三者

蘋果日報 2002/07/27 00:00


這邊廂有消息指謝霆鋒因連串不快事件而準備暫別娛樂圈一年,並有意跟王菲結婚;那邊廂的張栢芝,昨日不但未有呷醋,反而笑到青筋暴現,並說:「人哋嘅事唔輪到我理,第三者唔可以畀任何意見。」
張栢芝昨日出席在沙田新城市廣場舉行的「紅人工作坊Party」,跟數百位fans玩遊戲,吸引到近千名市民圍觀。雖然唱片公司以六位數字聘請了二十位保安到場維持秩序,商場方面亦派了十名保安到場,但栢芝一出現,仍引起一陣混亂。

被抱嬰兒嘟嘴
昨日有報道指謝霆鋒備受連串不快事件困擾,有意暫別娛樂圈一年,以及和女友王菲結婚,但身為霆鋒前女友的栢芝,面對舊愛郎結婚傳聞不但無動於衷,而且表現得異常開心,青筋暴現。其間栢芝還一時興起,將fans的BB抱起,讓BB坐在大髀上拍照,但BB卻嘟起小嘴,表現抗拒,場面頗為尷尬。
及後記者追問栢芝有關霆鋒暫別娛樂圈及結婚一事,她卻不欲回應,並說:「其實由我第一次去上海嗰陣,已經話唔理香港嘅報道,唔關我事,唔清楚。霆鋒嘅事我唔清楚,其他嘅事我畀唔到意見。」
問她現時與霆鋒關係如何,栢芝亦謂與工作無關的事她不會發表任何說話,而當問到她信不信霆鋒結婚時,栢芝竟說:「冇睇過報道,人哋嘅事唔輪到我理。」栢芝以「人哋」來形容霆鋒,令人不禁懷疑栢芝為霆鋒呷醋。
當記者問到栢芝可會支持霆鋒退出娛圈時,她竟一時口快快指自己是第三者,栢芝說:「唔知,藝人有自己空間,如果佢覺得舒服就OK,第三者唔可以畀任何意見,呢啲係自己人生,正如我自己決定自己人生一樣。」
近日亦有指栢芝有意退出娛樂圈,但她否認說:「我從來冇諗過走,我又出唱片又做宣傳,點會無端端話休息唔做?」可能栢芝一時健忘,她早前接受電台訪問時,確曾表示有考慮過退出娛樂圈呢!
揶揄特首夫人
另外,有傳昨日栢芝出席活動,事前開出三大規條,包括要記者離台十呎、要大會加強保安和給她請個人保鑣,惟栢芝連聲否認說:「你估我係董太(特首夫人董趙洪娉)咩,唔好屈我。」昨日有內地傳媒問栢芝經歷了這麼多,對她拍戲有沒有幫助,令栢芝忍不住大笑說:「雖然我經歷過不快,但卻能夠令我長大一點,從來我都會令自己開心一點,但不會做對不起人家的事情。」
栢芝又指她在《賭愛》MV哭得如此厲害,只是配合導演要求,與感情無關;至於她要求演藝人協會向政府申請立例管制狗仔隊,栢芝則說:「我只係保護自己唔好受傷害,希望連帶其他受過傷害嘅藝人支持我哋啫。」
採訪:王連連
攝影:林德雄