清明節假期前夕，港股升勢持續，正當普羅散戶以為假期情懷籠罩而「冇乜嘢睇」之際，港股再升392點，報收24264，而且成交都有近915億元，表現可謂強橫，的確令不少人感到錯愕。
港股昨日上升，部份原因係受內地股市回勇所帶動，而H指收報13137，升330點或2.58%，明顯跑贏恒指昨日的1.64%升幅，而值得留意的是，不少國企股走勢均見似欲爆升之象，好似中國人壽（2628）、中國財險（2328）、中電信（728）、鞍鋼（347），甚至中石油（857）等走勢都幾討好，加上A50中國基金（2823）連續兩日出現大成交，市傳內地或於短期內推出救市措施似乎並非空穴來風，至於點救法？減免股市印花稅係市場預期最熱門動作之一，再睇幾隻中資券商股表現都不俗，後市應該有計。

中資券商股受追捧

如果要揀，星俠就選第一上海（227），貪其價細好炒。去年市場熱炒「港股直通車」概念時，第一上海最高升見4.18元，現價才1.60元，累計跌幅逾62%。
該股07年中期純利2.44億元，已超越06年全年純利水平，去年股市成交暢旺，估計07年度業績表現應唔失禮。第一上海股價已見異動，昨日升達5%，收報1.60元，料短線可挑戰1個月高位2.12元。