宮雪花今日就就出席「秋季書畫拍賣會」，拍賣佢嘅兩幅作品，一共就賣得25萬5千，花姨話：「賣畫嘅錢會用嚟做學費，下年3月我會去杭州中國美術學院讀一年，學費幾萬蚊人民幣，但我生活好豪使，請保母都4、5千啦!」

出年一月花姨就會舉行個人畫展，咁會唔會太忙，而冇時間幫自己啲相改圖呢？花姨就話：「其實我想求你哋可唔可以幫我P咗圖先登，我之前出席內地節目俾美圖教主蝦，話66歲花姨P咗18歲，先會出呢個狀況（令畫面變形），希望有人同我講『你咁靚唔使P啦』，但從來冇，淨係話我以前靚。我好想將P圖做到冰桶效應咁，個個跟住P。」