阿士東維拉周三喺英超就主場對曼城，維拉今季已用大批「生牯仔」，表現如脫胎換骨，艾邦拉荷、加利卡希爾、伊塞亞奧斯邦尼全部未夠21歲，咁當打怕咩打兩場；而且維拉上周六對米堡，失個問題球先賽和對手，以維拉今季強勢，周三可以贏波收復前失，主W早買無妨。

維拉生牯仔夠砌低曼城

曼城上周六已經作客出戰利物浦，守足三分二時間，先俾謝拉特一腳射死，都幾洩氣，而且曼城作客一向甚差，已經3連敗，今次都冇咩運行嘞。
周二嘅英冠聯，博高車士打可再下一城；高車士打上周六大炒修安聯3粒，好大原因係對手有兩個球員紅牌被逐；不過換一個角度，對手人少，畀到高軍壓力都唔大，消耗體力未必多，今次再一次主場對侯城，侯城上仗補時階段，先迫和諾域治1:1，不過3日後又要作客，簡單高軍一注主W。
周四意大盃賽事，巴勒莫主場對森多利亞，捧森多利亞不敗又係可以提早落注；巴勒莫個心明顯喺聯賽度，歐協盃已經連輸兩場，意大利盃首回合又落後森多利亞一球，今次話就話主場踢次回合，不過戰意就令人懷疑，一於博森多利亞和波出線。文：牽牛