「呢行喺唔喺個市場好重要，同樣係棉布，有同樣嘅剪裁，名牌就萬幾蚊一件，放喺女人街就舊零水」，黎耀祥這樣對比09年爆紅前後的自我價值。他未敢預言收成期的長短，「我經歷過嘛！我去到呢個位穩定性係強咗，但唔係絕對……98年出去拍電影，開始每年有數十組戲，點知兩年後一個月竟然開得一日工。過檔亞視拍劇，收到無線三倍嘅人工，但拍一年就冇嘞。」其實早於97年祥仔在無綫電視劇《西遊記》中飾演豬八戒已為觀眾所熟悉，帶給他人生第一個100萬，但其後的十多年都只停留在二三線。視帝獎賞是否來得太遲？祥仔強調從無怨天尤人，「唔會話自己嘥咗時間做甲乙丙，每個階段都做足100分，畀人讚，從十線開始爬上嚟一線。我記對白好叻㗎，拍戲從來無NG，但唔係做足100分，機會就會出現。」他反而慶幸是一步步走向成功，得到這個完滿的句號。他寄語有意入行的新一代，一定要認清真正喜愛演戲的過程才好加入，不能期望做藝人一定賺大錢，「冇人保證的，我入行預咗自己會瞓街，臨老就睇電視鬧人哋做得差。」

餓唔死　做大娛樂家

在續集《巾幗梟雄之義海豪情》中飾演刑偵隊長劉醒，祥仔形容該角色的人生價值觀幾乎等同現實中的自己。劉醒槍法如神，同時嗜賭白鴿標，而祥仔本身演技爐火純青，愛賭股票；劉醒曾辭職去辦酒家，與祥仔當年曾離開無線轉戰電影圈一樣未有成功。劉醒的結局被安排過上平淡的晚年，祥仔說，自己做人亦期望是如此簡單，見步行步，永遠為生活努力，對未來的事業和財富都沒有清晰的目標，「經歷過草根，刀仔鋸大樹嘅年代，買過股票、去過賭場，再有上升期……賺幾多錢先夠？餓唔死就夠，只想利用自己演員嘅能力繼續娛樂大家。」