韓國男星朴寶劍孖金裕貞主演嘅KBS劇集《雲畫的月光》近日於韓國熱播，收視更高達20.4%，而現年23歲嘅朴寶劍因為出名友善，每次跟女星合作都可以成為好友，去年拍攝《回答吧！1988》時跟惠利結緣、主持音樂節目《Music Bank》時又被指跟拍檔Irene好合襯，而去年朴寶劍跟35歲嘅張娜拉合作拍劇《記住你》後，二人因為非常老友而於今年二月爆出姊弟戀，不過朴寶劍已經否認戀情，強調二人只係感情好嘅前後輩。

韓國嘅中秋節長期噚日開始，張娜拉於twitter留言祝大家中秋節快樂，朴寶劍就無懼再傳緋聞，轉發張娜拉嘅中秋留言，之後自己又公開《雲畫的月光》嘅花絮照，留言：「月光最美嘅秋夜，請度過充滿幸福笑容嘅一日。」

而張娜拉亦分別於Instagram及微博公開新相，透露因為中秋節放假，可以好好休息而非常興奮。