求得好籤開花結果
24歲余香凝：有啲驚
蘋果日報 2018/02/19 00:00
余香凝（Jennifer）和廖子妤（Fish）日前到黃大仙廟求籤，祈求新一年順順利利，屬雞嘅Jennifer今年沖太歲，但求得好籤，解籤師傅雲姑批算Jennifer今年事業同姻緣都可以開花結果。Jennifer說：「叫我農曆七月要小心，自己都有啲驚，上年犯太歲，又撞車。講到我10月會開花結果，今年有三套電影上映，希望觀眾都鍾意我每一個角色。上年真係太好，今年繼續努力。」係咪計劃今年同男友陳家樂結婚？Jennifer就話今年得24歲，3字頭先至再諗。
可是，Fish求得下下籤，雲姑提醒佢今年要事事小心，Fish苦笑話：「極度震撼，但唔會阻我爭取工作機會！」
可是，Fish求得下下籤，雲姑提醒佢今年要事事小心，Fish苦笑話：「極度震撼，但唔會阻我爭取工作機會！」
余香凝被指今年事業愛情兩得意。
余香凝同廖子妤聽解籤，單看表情就知邊個求到好籤。
余香凝、廖子妤趁新年齊齊去黃大仙拜神，祈求來年行好運。
Fish寄望11月
Fish求籤時失魂又論盡，連籤都唔見：「可能黃大仙覺得我唔夠誠心，畀下下籤我，覺得非常震撼，求到伯才碎琴，知音難尋，知音死咗，琴仲可以彈畀邊個聽，我知呢個世界真係難尋知音，希望真係會有人欣賞我嘅演出。解籤話我要凡事小心，但11月都有順利嘅時候。」