【曾讚表姊夫係好男人】吳忠義被爆背妻偷食司馬燕表妹狂喊：好激氣﹗
蘋果日報 2015/11/18 06:00
蘋果香港司馬燕即時表妹Summer背妻偷食Polly陳麗文
司馬燕表妹（圓圖）Polly對於表姊夫被爆背妻偷食Summer，感到好激氣及好㷫。- 司馬燕同表妹Polly感情好好。（資料圖片）
司馬燕去年病危其間，表妹陳麗文（Polly）不時進出醫院照顧，佢目親睹表姊夫Togi貼心慰妻場面，Polly曾大讚Togi好男人，但今日有雜誌爆料Togi背妻偷食5年，仲話答應小三待老婆一死即娶。
Polly今日睇咗有關報道後覆《蘋果》，佢喺電話係咁喊，好戥表姐唔抵，Polly話：「呢件事，我最冇資格發言，我都係喺報章雜誌第一次睇，當然睇完係咪有感覺呢，我有睇有喊，係咪真我唔知，一定係好激氣。Togi同Summer有幾熟，熟絡到乜嘢位，我唔知，係咪佢（Summer）一廂情願生安白造，我唔敢講。」
Polly爆料話Summer緋聞多多，佢話：「表姐（司馬燕）生前都唔鍾意佢，佢以前故事，我知佢過往，我哋有茶餘飯後講，家人朋友知道呢單新聞，我哋好㷫，都唔知點講好，我只可做嘅嘢係傳短訊鬧女嘅，同時將封面傳畀Togi問佢係咪真，佢話唔係，亦即時打電話畀我，我會信佢，成件事喺我表姐病時，Togi真係好好先生，好好老公，係咪每人都會有一啲引誘，我唔敢講，但睇到成篇報道，我係㷫嘅。」
Polly今日睇咗有關報道後覆《蘋果》，佢喺電話係咁喊，好戥表姐唔抵，Polly話：「呢件事，我最冇資格發言，我都係喺報章雜誌第一次睇，當然睇完係咪有感覺呢，我有睇有喊，係咪真我唔知，一定係好激氣。Togi同Summer有幾熟，熟絡到乜嘢位，我唔知，係咪佢（Summer）一廂情願生安白造，我唔敢講。」
Polly爆料話Summer緋聞多多，佢話：「表姐（司馬燕）生前都唔鍾意佢，佢以前故事，我知佢過往，我哋有茶餘飯後講，家人朋友知道呢單新聞，我哋好㷫，都唔知點講好，我只可做嘅嘢係傳短訊鬧女嘅，同時將封面傳畀Togi問佢係咪真，佢話唔係，亦即時打電話畀我，我會信佢，成件事喺我表姐病時，Togi真係好好先生，好好老公，係咪每人都會有一啲引誘，我唔敢講，但睇到成篇報道，我係㷫嘅。」