網民發起今午9.8在中環遮打花園舉行「香港人權與民主祈禱會」，並遊行至美國駐港總領事館。但今天天氣悶熱，最高達攝氏33度，依然無阻67歲的金伯伯（化名）仍然出來參與集會，雖然表示不願上鏡，但金指「我哋要企出嚟爭取返我哋應該有嘅自由，我哋唔可以坐視不理」。字字鏗鏘，皆因看到公權力對市民的打壓，如昨晚（7日）的大埔墟站事件，「7、8個警察圍住一個小朋友打，打到腦漿都出埋⋯⋯佢哋都只係針對住個政權（示威）。」任職運輸的他，指自己因公事在身，未能積極參與示威活動，不過亦有為年輕人擔任「校車隊」，為他們義載。他有信心法案（人權及民主法案）能通過，「因為支持民主嘅國家係應該要堅守起呢個責任。」

退休人士黃先生則自嘲是「廢老」，希望參與是次遊行借助國際勢力向中國及香港施壓，「當然最主要香港人自己做啲嘢，跟住再搵外國勢力。」對於通過人權法後往後可能再影響到《香港關係法》造成「攬炒」，他指事實上年輕人是爭取更公平的社會，有助達到較好的營商環境，故商界不應置身事外，「佢哋係幫你爭取埋一份」。

不願上鏡的陳小姐，一家三口出席集會。即使丈天不良於行，需要坐輪椅，仍然無損她一家參與的意志，全因忍受不到人權不斷被損害，「由8.11行刑式掃射，去到8.31大埔墟咁樣打一個後生仔，撳住first-aider（急救人員）唔畀佢救人，呢啲完全唔係文明社會應該有嘅事。」她指，在中美貿易戰中，美國是中國最大敵人，望透過通過法案，可以遏制中共政府此等行為。不過，她對法案通過並無信心，「始終特朗普都係個『生意佬』，利益行先」，對他會否放棄中國這塊「肥豬肉」存疑，但她對攬炒並不害怕，「因為林鄭根本就係『焦土之母』」。

-----------------------------

9.15民陣遊行

日期：2019年9月15日
時間：3時起步
起點：銅鑼灣東角道
終點：遮打道行人專用區
-----------------------------
【撐學生】
召集有心人 撐學生全年睇《蘋果》
立即按此