政制及內地事務局局長聶德權今午出席公開活動，被問到最近選舉主任在鄉郊代表選舉DQ朱凱廸的參選資格，有否損害港人言論自由時，重申香港屬國家不可分離的一部分，根據《基本法》訂立體制，如果參選人要加入體制，成為議員，法例上有很清楚有要求，就是要擁護《基本法》和效忠香港特區，本地法例亦有相關要求，「選舉主任按照法例要求所賦予佢嘅權力，根據番個事實同相關資料，有需要時搵相關嘅法律意見，去作出個決定，所以有機制喺度，按住個機制依法去辦事」。

聶德權又指，如果有人對選舉主任的裁決有質疑和疑問，目前有上訴機制，可以提出選舉呈請，尋求法院裁決，重申若有人要在體制內成為議員，或擔當職務，「係同普通人唔同嘅，所以係需要有一啲嘅要求，呢個要求，第一就係擁護《基本法》同埋效忠香港特別行政區，第二就係我哋喺法律上，亦列明相關嘅一啲機制，可以畀我哋跟住嚟去進行」。