今晚謝安琪同張靚穎、泳兒等歌手齊到中西區海濱長廊出席「2014香港青年音樂節」活動，上身白色透視裝，透到見到tubetop嘅KayBB同名鋼琴家李雲迪同台表演，佢話今日中午12點綵排時天氣好熱，不過就大讚李雲迪依舊有型。

講到有網民話佢簽約內地公司華誼兄弟時，用嘅宣傳相同舊年簽台灣金牌大風嘅相係一樣，好慳皮，阿Kay都笑笑口咁話:「唔知點答。」其後再話：「好忙，都冇時間影宣傳照，自己覺得唔係問題，我喺大江南北都係同一張相。」

華誼兄弟係內地公司，問到Kay會唔會喺接騷方面、例如維穩騷嘅決策有影響？佢就話：「其實華誼兄弟主要係處理內地發展嘅事，我自主權喺自己度，決策都係自己決定。」其實都有好多人關心周博賢同佢嘅合作關係0架。

至於泳兒就話今朝11點綵排時，因為係露天場地，又熱，個人都有少少中暑想嘔喎。請到泳兒呢期話自己又易攰又嘔，係咪有咗？佢就笑言：「應該唔係……肯定唔係，好安全嘅我！」