西班牙《阿斯報》報道，阿根廷一代名將列當度嘅細囝費達列高（Federico Redondo）入選咗由另一位阿根廷昔日名將、艾瑪領軍嘅阿根廷U15，的確係有其父必有其子！

同老竇一樣，費達列高都係踢小阿根廷人嘅，呢隊波以前亦都栽培過馬勒當拿，同埋列基美，喺國內球壇可以話係好有名氣。報道話費達列高嘅偶像並唔係自己老竇，而係列基美，另外踢法有啲似小保加中場加高，不過費達列高都有佢老竇影子嘅，喺球場上眼光獨到、護波能力高。費達列高話：「作為列當度嘅囝囝，其實無乜壓力，其實呢個係一種光榮。踢完波之後老竇都會同我傾計，畀建議我去改善自己嘅表現。」