地產多聲道：
火炭工廈拆細分租回報30厘
蘋果日報 2003/10/17 00:00
工廈拆細分租，回報原來好和味，話說兩個月前以402萬購入火炭美高工業大廈全層嘅業主，將層樓分間成34個單位，每個近400呎，以每月4000蚊招租，扣除差餉、管理費等，租金回報率高達30厘。
中原張志傑解釋，咁高回報全憑業主將層逾1.26萬呎嘅樓，分間成34個細面積單位出租，較其他工廈只將全層分間成1至4個單位，每單位約800至1000多呎，租金收入多啲，回報率梗係高啲啦。以同區華樂工業中心為例，業主將個近千呎單位一分為二再分租，回報只得近20厘。
不過，張志傑話，將全層工廈間細成多個單位，裝修費龐大，而且好大工程，要重新配上天花、木門、鋁窗、獨立冷氣……相信效法嘅業主唔會多。
生記單幢樓力銷天然風
樓市氣氛熾熱，單幢樓都趁勢出擊，由承建商生記置業一手包辦嘅九龍城城南道10號，計劃攞到入伙紙後，喺本月底、下月初開售，聽講發展商已經搵咗利嘉閣幫手做統籌同策劃。
呢個盤前身係由生記持有嘅舊樓，自己重建，有36個住宅單位，面積約470方呎；發展商除咗提供近年時興嘅環保露台外，原來喺空氣流通方面都有兼顧，即係設計到每個單位都可以有天然風吹送。
生記置業係老牌承建商，有成20年歷史，彌敦道同上環都有商廈係起；重有做租務同物業管理㖭。
中原張志傑解釋，咁高回報全憑業主將層逾1.26萬呎嘅樓，分間成34個細面積單位出租，較其他工廈只將全層分間成1至4個單位，每單位約800至1000多呎，租金收入多啲，回報率梗係高啲啦。以同區華樂工業中心為例，業主將個近千呎單位一分為二再分租，回報只得近20厘。
不過，張志傑話，將全層工廈間細成多個單位，裝修費龐大，而且好大工程，要重新配上天花、木門、鋁窗、獨立冷氣……相信效法嘅業主唔會多。
樓市氣氛熾熱，單幢樓都趁勢出擊，由承建商生記置業一手包辦嘅九龍城城南道10號，計劃攞到入伙紙後，喺本月底、下月初開售，聽講發展商已經搵咗利嘉閣幫手做統籌同策劃。
呢個盤前身係由生記持有嘅舊樓，自己重建，有36個住宅單位，面積約470方呎；發展商除咗提供近年時興嘅環保露台外，原來喺空氣流通方面都有兼顧，即係設計到每個單位都可以有天然風吹送。
生記置業係老牌承建商，有成20年歷史，彌敦道同上環都有商廈係起；重有做租務同物業管理㖭。
樓市升溫，連帶發展商賣樓部要員職銜都跟住升，講緊嘅係信和集團營業副總經理韓家輝。
佢第一個負責賣嘅新盤係元朗帝庭居，其後有屯門海典軒；加入信和唔夠1年，就升任營業總經理，可喜可賀；而賣樓重要功臣嘅楊文，就由助理總經理升任為副總經理。噚日中原地產趁住搞小西灣藍灣半島記者會，幫佢哋搞慶祝會。
近年中國發展愈嚟愈強勁，好多城市都爭住起摩天大廈，顯示經濟實力之餘，亦係商業繁盛嘅象徵。
繼北京、上海、南京同武漢之後，聽講廣州市政府正構思喺天河珠江新城區嘅珠江邊，興建兩幢高逾350米嘅雙子大廈，總樓面成560萬方呎，希望作為廣州城市嘅標誌，兼發揮商業凝聚力，令嗰區成為市內，甚至珠三角嘅商務中心區。
市政府𠵱家非正式向業界同地產發展商問吓意見，順便刺探吓佢哋嘅興趣。但由於新城區商業氣氛重未成熟，最好加多啲優惠政策，至有吸引力，否則效益會好細，所以大家暫時都有啲猶豫。
蘭西
電郵地址：
韓家輝（左）加入信和唔夠1年，就升任營業總經理。
九龍城城南道10號攞到入伙紙後，最快月底開售。