竹園區神召會牛頭角長者鄰舍中心是其中一間向蘋果基金申請愛心月餅的機構,日前,記者上門探訪了該中心兩位年屆八十歲的獨居綜援長者。
「中秋節係傳統節日,有月餅食梗係歡喜,不過一個月餅幾十蚊咁貴,差唔多等於幾餐餸菜嘅錢,邊度捨得買,舊年全靠中心派餅先有得食。」獨居的八十二歲梁婆婆愁眉不展地說:「聽中心姑娘講,今年要搵人贊助買月餅真係唔容易,若果冇贊助,就冇月餅派,希望有人資助吓我哋啲獨居老人,等我哋有月餅食。」
大半生從事工廠女工的梁婆婆,其夫病逝十多年,膝下無兒女,她退休後,領取綜援金維生,僅足應付基本的伙食支出,經濟緊絀。體弱多病的她,多年來飽受類風濕關節炎的痛楚,四肢經常抽搐乏力,不良於行;近年,其雙眼更患有白內障,視力日漸衰退。梁婆婆平日的唯一娛樂,便是到就近的長者中心與街坊聊天,消磨時間。