當年今日
關於我們

【大衞寶兒病逝】Bowie說Bowie林保怡:佢係個好自我嘅artist

蘋果日報 2016/01/11 06:00

蘋果林保怡出碟改名大衞寶兒紫醉金迷bowielam

GlamRock先鋒人物DavidBowie突然傳來死訊,震驚全球。

同樣名字叫Bowie,林保怡接受《蘋果》電話訪問時,得悉DavidBowie死訊,大感錯愕。「冇諗過咁快,諗住佢仲有二、三十年,特別係佢咁識保養,但Cancer真係冇辦法。佢真係搖滾音樂一個重要人物,我睇過佢現場,佢嚟過香港,嗰陣plug緊嗰首歌叫做《ChinaGirl》。我個名唔係因為佢而改,已經好多人問。我個名係因為,我以前喺華納做嘢嗰陣,我老闆係英國人,咁所以我專登整個英國名,咁DavidBowie係英國樂手嚟0架嘛,佢應該記到啩,所以我改個英國名。」

「保怡」原來也不是真名,完全係因為90年代佢要出碟,唔知改乜嘢名好,故最初真係喺大碟印個名叫Bowie,後來加埋姓氏Lam,BowieLam,索性改中文名叫「林保怡」。

雖然林保怡只是因為Bowie是英國著名樂手,老闆又是英國人,用這名字應方便對方記得而已,故才改這名字,但林保怡也是十分愛聽他的歌:「我聽佢嘅歌係因為夠前衛,有創意,你一聽就知道呢首係DavidBowie嘅歌,佢係一個好自我嘅artist。佢一出場,一頭金髮,都係嗰種舞步,揸住咪stand,可以話係佢嘅trademark。」