港股今日再度低開，脫歐情緒仍然困擾大市，騰祺基金管理投資管理董事沈慶洪認為今個星期要「按兵不動」，因為個恒指很易跌穿20000點。

他認為投資者都不會入市，部份更會先行獲利：「呢個星期其實大家都唔會點買嘢，唔買嘢甚至係計數獲利，變咗個市場調整機會咪高囉，再試落去咪試一百天線20100點先囉。」他認為很多因素不能分析，只能夠等結果，因止他會按兵不動：「最麻煩係影響個市場因素，其實就唔係你可以掌握到或者分析到的因素，呢個星期A股係咪可以入摩，或者深港通出唔出，甚至聯儲局大家預佢唔加息，但七月加息嘅機會有幾高呢？加上下個星期又脫歐公投啦，呢啲野根本冇分析可言。」

他認為目前是持有現金：「最穩陣係持現金就唔使諗囉，等下個星期先再算。如果脫歐個市跌穿20000點就唔使諗，應該穿架啦，調整會唔會去到19000點定18000幾呢，到時再睇。」

掌握財經生活資訊，即Like「蘋果ATM」fb專頁啦！
http://fb.com/appledailyatm