【養之前諗清楚】17歲愛犬離世後 鄭融:唔敢再養寵物
鄭融寵物煉狗術師
奇妙電視節目《煉狗術師》,今日邀請鄭融去到大埔為節目拍攝,擔任客席馴犬師。
鄭融過去曾養一隻愛犬至17歲,其後因為過於傷心,所以一直唔敢再養寵物,佢話:「曾經見過一隻好得意狗仔,好合眼緣,但我返屋企慎重考慮咗一個月,最終都係決定唔養,我當狗仔係屋企人,養就一世,怕再經歷傷心。」
鄭融主演嘅電視劇《閃婚100天》,剛於奇妙台播放完,佢話播放期間,咁啱佢就忙緊準備音樂會,未有機會睇番自己嘅演出,佢話:「我聽到11月會重播,好感動,自己只曾經睇過其中一集少部份。」