【第39屆港姐之佳麗秘聞】隨着應屆港姐進行複試，一眾佳麗的底蘊陸續浮面，有份面試的o靚模Felicia被爆讀書成績差；風頭躉「MK嘉欣」原來來自元朗，綽號「中東茉莉花」，被指愛扮鬼妹蒲吧黐老外；因貌似張文慈而被封「曬燶Pinky」的佳麗雖外表斯文，但濕身攬裸男浸浴就甚open。

應屆港姐起底又嚟，打入複試的「曬燶Pinky」長得一派斯文，想不到玩起來時十分開放。昨日有讀者提供一幀曬燶Pinky的濕身攬仔照，相中的她一頭濕髮及穿黑色吊帶背心，攬着一名短髮男子浸在泳池中，她雙手搭着男子膊頭，胸部挨在他肩上，頭貼頭合照，狀甚親熱。

MK嘉欣想做歌星

至於首輪面試已彈出的「MK嘉欣」則極度活躍，成為佳麗中的起底之最。昨日本報接獲讀者報料，指她原名嚴子敏，英文名Jasmine，家住元朗的她在中學時期被封「中東茉莉花」，因她喜扮鬼妹蒲吧黐老外，更被指愛姣黐別人的男友。

Felicia讀書成績差

MK嘉欣恨入娛樂圈，去年中她參加過「我敢唱發SING招募日」，演唱英文歌《Hero》，水準不過不失，她自我介紹時還說：「每一個熱愛唱歌嘅人，都希望有朝一日擁有一個屬於自己嘅演唱會，我都唔例外，每一次有機會我都會爭取，無論時間長定短，都希望可以珍惜每一分每一秒，喺台上面演出嘅機會。」唱後她更又以笑遮醜，自認因緊張而騰雞手震。
另一複試佳麗陳頌祺（Felicia）外形四平八穩，三圍35、25、35，做o靚模的她被爆住屯門冠峰園，父親任職九巴司機，家有一妹。Felicia被指曾就讀屯門呂祥光中學，中五畢業後因成績差，轉往深培中學讀到中七，其後在醫院做過文職，在其facebook內，Felicia更張貼低胸工作照。
撰文：夏琴

若讀者知道今屆面試港姐的底細，歡迎電郵至mailto:[email protected]報料。