莊思明日前坐國泰航機，因為空中服務員未有為她拎上一枝筆搞出大風波，她除了已在機上即時投訴，事後又在IG貼長文鬧爆，還在IG動態貼出該航班機艙服務員內部名單貼，公審那位空中服務員，把所有員工名字公開，遭網民狂轟，事件連日發酵，莊思明男友楊明甚至不屑 香港 航空借事件抽水，他即為女友在微博貼文報復，狙擊港航漠視安全，並要向其母公司海航施壓。莊思明胞姊莊思敏昨出活動都為妹妹講好話平息事件。

「深黃」的阮民安（Tommy）昨晚看完台灣總統大選後坐夜機回港，他乘坐港航時獲空姐送筆，Tommy在FB貼相後不忘抽水揶揄「藍『思』姊妹」：「頭先，一上到飛機冇耐，我坐34D，盡責的空姐，就問我要唔要筆，話要拎支有公仔頭，特別版嘅畀我！非常貼心！自己衰X咗，就賴網民言論激烈！完全唔諗吓自己係有幾咁西！呢兩個藍『思』姊妹，完美演繹咗佢哋有幾垃圾！面就人地畀，假（架）就自己丟。呢位空姐，雖然知道你叫咩名，但我絕對唔會公開你嘅名字，因為咁樣做，太X冇品了！再次感謝所有辛勞嘅空中服務員！加油！」網民讚Tommy靚抽，Tommy也恭賀蔡英文連任台灣總統，他續說：「今日，台灣，守得住！明日，希望香港真係可以，光復成功！」