黃宗澤（Bosco）同楊崢拍拖個幾月就玩完，傳聞因女方劈腿同男方吵大鑊，Bosco嘅媽咪同圈中長輩都唔贊成呢段戀情，加上楊崢負面新聞多，最終Bosco決定放棄呢段感情，但噚日又有周刊話佢有新戀情，同四洲集團創辦人戴德豐個女戴凱欣（Kennis）拍拖，話佢哋合作開甜品屋。

視Kennis妹妹

Bosco之前已喺九龍城開咗間蠔吧，最近佢同四洲太子女Kennis喺九龍城再合資開咗間甜品屋，日前有人見到佢哋一齊喺舖頭開會。Bosco噚日話：「我同佢梗係唔係拍拖啦！唔好玩我！間甜品屋好多股東，我只係夾咗少少錢做小股東。 」而Kennis回應：「甜品店係幾個朋友一起合資，我同Bosco係生意上嘅拍檔兼朋友。我主力放喺四洲集團業務上。」
據知情人同馮仁昭講其實Kennis同Bosco一早識，佢哋只係好朋友合作做生意，冇其他嘢，不過女方的確係好冧男方，男方都知道，但係就一直當佢係妹妹，冇諗過發展成情侶，如果要發展一早發展咗，點會中途殺出個楊崢出嚟。
撰文：馮仁昭