AKB嘅大島優子搭上日劇天王木村拓哉？唔係呀嘛。
有日本傳媒報道木村試過上節目時，大讚優子開朗兼有個性不特止，仲開到口話「如果優子能隨時喺片場就好喇。」木村又趁優子生日，豪洗萬幾蚊港紙買禮物，大獻殷勤。另外，仲有工作人員見過佢哋喺片場打情罵俏添。
嘩！憑以上幾點嚟睇，兩人關係堅曖昧。如果單嘢係真嘅話，木村嫂工藤靜香肯定嬲爆。之不過有網民就質疑，佢哋其實係自製緋聞，幫新劇《安堂機械人》宣傳咋。事關套劇收視屢創新低。開播嗰陣收視都有19.2%，但播到上禮拜第三集，得番13.2%咋，陰功！網民仲笑套劇抄足多啦A夢，好暴力，喺黃金時段播，驚教壞小朋友呀。