你是風兒我是沙，當年爾康同紫薇喺電視劇《還珠格格》演情人，大受歡迎，當時外界俾佢哋會唔會戲假情真，之不過《還珠》劇組多次傳出負面新聞，當年傳過范冰冰同趙薇、林心如不和，而演爾康嘅周杰就與同劇演員夾唔嚟，當中周杰同林心如不和到出晒面。據知爾康呢個角色本來係吳奇隆出演，點知因為兵役問題，先由周杰接替。

林心如因演《還珠》走紅，2004年上節目講自己最難忘嘅接吻經驗時，小S問佢有冇伸脷拍接吻戲嘅經驗，林心如否認，喺小S質疑兼追問「爾康也沒有」之下，心如先坦言當時對方有試圖伸脷過嚟，心如立刻咬緊牙關，「嘴巴閉得很緊」嚟阻擋。

但係心如都為對方打圓場，指對方應該「不是故意想頂」，當下係情境太投入，忍唔住伸脷，件事傳開後，外界紛紛質問周杰有冇強吻心如，周杰有解釋過「如果不真的接吻，太假，導演不會同意；如果真的接吻，雙方又難受，很難兩全。我從那以後再也不接床戲吻戲了」。心如於2010年受訪時，再度講起呢件事，表明抗拒吻戲，「不喜歡，所以不知道怎麼在戲裡面去愛上他」。

除咗《還珠》一堆是非之外，拍第三部嗰陣，古巨基傳被周杰暗中排斥，自演完還珠格格後，周杰又被指耍大牌、搶戲，以及暗中欺負同劇演員；周杰喺2006年於一個博客以大量匿名留言，寫啲自戀自誇演技好等回覆，點知博客系統於2008年更新，所有匿名留言均顯示「博主」，事件先曝光，此外，周杰拍電視劇《少年包青天》，同劇演員都非常唔鍾意周杰，鄭佩佩都上過節目批評稱周杰拍戲唔敬業，成日遲到，令成個劇組等咗佢幾個鐘。