【吸取教訓】
陳立業成名甚早，在香港電訊數年內連升多級，但其人生旅程亦非一帆風順，曾在金融海嘯遭星展銀行請食「無情雞」，亦因投資滙控（005）的ELN（股票掛鈎票據）而輸大錢。今日他在職場上重新發光，在投資方面亦上了一課，策略轉趨保守。

大部份身家買磚頭

「我諗我投資嘅經驗都幾多失敗，朋友成日取笑我，問我嗰期買咩股票，就乜避開唔好買！哈哈哈！」陳立業指自己向來鍾情大藍籌，只因平日工作忙，沒心機打理投資組合。不過，當他在金融海嘯中離開星展後，空閒時間較多，反而投資取態越趨進取。
陳立業當時見滙控受海嘯衝擊股價大瀉，感覺抵買，便敍做了滙控ELN，可惜之後滙控宣佈供股，股價曾低見33元，他頓時一手蟹貨。「由100蚊，見佢一路跌到70蚊、30幾蚊，真係輸好多，嗰段時間係幾難捱。」
陳立業經此一役，自此不再沾手衍生工具，「我覺得自己係大事會精明，但對於投資、金錢就真係唔敏感，所以理財策略以後都係保守較好，現時大部份身家都係用嚟買磚頭。」