保特今個夏天里約奧運中，締造前無古人嘅短跑金牌「3x3」壯舉，而之後嘅高調慶祝活動更加成為頭條新聞，每次邀請唔少女郎到下榻酒店狂歡，毫不避嫌。不過，「飛人」嘅playboy形象可能就此成絕響，因為喺佢嘅社交網中，發現一張同佢女友卡絲（Kasi Bennett）合照，更寫上卡絲「我願意」嘅文字，同埋心心、新娘emoji圖案，唔通「飛人」真係求婚成功？不過，保特經理人就話，圖的確係真，但文字同emoji係網友加上去。不過，如果「飛人」真係嘅話，咁就要恭喜佢囉！