林盛斌（Bob）噚晚出席一個舞台劇記者會，Bob表示噚日肚屙，佢話可能拍完《我係小廚神2》食得太多，佢笑言要炸爆屎坑，先趕嚟記者會，Bob又謂：「啲小朋友好值得信賴，佢哋煮得好好，有啲材料佢哋自己買，未必煮得熟唔熟問題，可能係近來食得多嘢。」

而Bob又話要為小朋友平反：「喺網上見到話佢哋港孩，其實唔係，有啲小朋友好用心去做，就算病都撐住出席比賽。」Bob又謂自己冇份演舞台劇，但就有份投資，不過數目好少，希望多啲支持本地中小型劇團製作。

另外，早前Bob被影到喺夜場遭一名進擊的熟女纏，問到老婆係咪好信任佢？Bob話：「老婆就冇乜特別反應，不過個女士真係進擊咗啲，佢飲多咗少少，先覺得我靚仔。（平時去喺夜店有冇市場？）我幾年先去咗一次，好多謝個報道係如實報道。」