做極都唔完嘅《星夢傳奇》，終於都要搞決賽啦!之前《星夢》選出五強，分別係陳明恩、鄭世豪、羅鈞滿、鄭俊弘同姚兵，決賽就定咗喺今個月12同13號呢兩日直播，12號五強入面選四強，經觀眾全民投票。

而13號當晚就會選出冠、亞、季軍，冠軍會得到金咪大獎同幾十萬獎金獎品，而有指冠軍除咗有獎金獎品外，仲加碼有無綫即將成立嘅唱片部歌星合約一份添！至於投票嘅觀眾，就有機會獲得5萬現金同5萬獎品，對觀眾來講都幾吸引嘅！不過依家唱片市道低迷，有張合約，都未必真係實現到歌星夢呀!