文青女神江嘉敏（Kaman）今日現身銅鑼灣街頭，同四個大隻仔為電訊公司宣傳。當大隻男企近Kaman，佢即話：「企咁近我，有啲壓力！」當司儀表示可以畀佢摸吓身旁男模特兒手臂時，Kaman只敢望唔敢掂，全程主要係sell可愛表情搶鏡。

人氣升，連帶出席活動機會亦增多，Kaman承認收入增加，但未收到税單，唔知實際數目：「之前暑假時屋企人去咗旅行，我成日同父母講，等我儲到舊錢就一家人去旅行。」早前同張繼聰拍打戲，阿聰叫佢出盡力打，點知阿聰指似按摩，而打人嘅佢反而周身瘀傷。稍後再Kaman將再接新劇，一嘗心願可以揸槍——但唔係演女警而係演女保鑣。