今個農曆新年,原來好多碟舖都有開門,好多老闆都話今年生意好難做,希望新年都開門,可以意外地發筆新年財。
問到今個星期最好賣嘅DVD,相信要數劉德華隻《愛君如夢》,新年出新碟,真係食正條水;加上同期新碟都係表現一般,所以一套戲好唔好賣,有時都要睇下天時地利人和㗎!
而李連杰嗰隻《最後一強》都有唔錯表現!不過最估唔到都係隻《楊千嬅拉闊演唱會》,竟然賣到間間舖都要追貨!可能新年啲人冇嘢做,所以特別鍾意睇碟兼聽歌啦!
本周DVD暢銷榜
第一位 《愛君如夢》 3區
第二位 《楊千嬅拉闊演唱會》 3區
第三位 《遊園驚夢》 3區
第四位 《贖命密碼》 1區
第五位 《最後一強》 3區