【幸福的秘密】王馨平布吉慶祝結婚18年 畀老公99.999999分
蘋果日報 2019/09/14 18:28
結婚18年王馨平李家輝
(資料圖片/fb 圖片)
王馨平於01年跟從事金融的李家輝結婚，今日是二人結婚18周年紀念，為慶祝綠松石婚，他們到了布吉旅行。王馨平今日在facebook貼出跟老公合照後留言：「今天追月，熱烈慶祝我們的結婚周年！」友人紛紛留言祝福。翻看王馨平當年出嫁的照片，跟今日新相相比，兩夫妻都保養得宜，估計幸福婚姻是「凍齡」秘密。
王馨平婚後淡出演藝圈，近年轉做瑜伽導師，她有時都參加幕前演出，夫婦間彼此默默支持。問到王馨平與老公如何維繫幸福婚姻關係？她今日回覆《蘋果》時說：「除咗係夫妻，我哋互相都係對方嘅好朋友，呢個應該好重要吧！」二人結婚18年都沒有生小朋友，可是一早計劃要過二人世界？王馨平說：「我哋兩個都唔強求，我哋嘅價值觀亦都一致。」他們為了慶祝這個大日子，日前就飛往布吉度假。王馨平續說：「其實冇乜特別慶祝，老公嘅家姐，即係我嘅姑奶都嚟咗同我哋慶祝中秋節，一家人食飯，就係咁簡單！」簡單就最幸福。
問到王馨平給老公多少分？她即答：「99.999999分。」為何被扣去0.000001分？王馨平笑言：「唔可以畀滿分㗎！」兩夫妻無論合拍或恩愛度都應值100分，王馨平說：「咁我哋真係好少吵架，仲有佢嘅屋企人都係非常善良，對我都非常好。」
王馨平表示幸福婚姻要彼此信任。(資料圖片)
王馨平於01年跟從事金融的李家輝結婚。(資料圖片)
王馨平與老公到布吉慶祝結婚18年。(fb 圖片)
王馨平在IG貼相，投訴老公在重要日子經常玩手機。