錢小豪今晚在九龍灣出席晚宴。錢小豪表示近日舟車勞頓，上月和長子景峰一同到台灣拍攝慈善節目，為小朋友籌款，他說：「其中去咗一個島小琉球拍攝宣揚環保，係第一次同阿仔出埠做善舉，之後阿仔返咗香港先，我就繼續參與，拍完就同細仔去咗泰國旅行，後日就上橫店繼續開工拍網絡電影。」

兒子景峰早前在香港涉無牌駕駛，今早上庭認罪候審，錢小豪驚訝說：「吓！唔怪得知呢幾日唔敢搵我啦，乜佢冇車牌咩？」實情是景峰只持美國駕駛執照，錢小豪鬆口氣說：「可以補領香港駕駛執照，做咩佢以為美國牌大晒呀？可以喺香港揸車，佢唔識呢啲例，衰仔。」錢小豪表示會就此事教導景峰：「每個地方都要有合法駕駛執照，佢擺烏龍啫，佢唔夠膽嘅。」

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9