參選2006年港姐得季軍入行的呂慧儀，2011年嫁給港男老公黃文迪（Dickson）後，前年生下囝囝黃柏翹（Anton）。雖然Anton是呂慧儀夫婦心肝寶貝，但夫婦二人未有任意縱壞兒子亂買玩具，日前呂慧儀陪囝囝揀玩具時，便見她教囝囝不要揀已擁有的玩具，甚至教囝囝跟記者打招呼，這個媽咪相當稱職。

日前下午2時許，素顏及一身便服打扮的呂慧儀與老公、囝囝及兩名女性友人一起逛銅鑼灣city'super。Anton興高采烈地落地行，並走到擺滿玩具的貨架揀玩具，之後他隨手拿起一件玩具，但呂慧儀卻說：「呢個你屋企有啦喎，你唔好攞啦！」Anton聞言即刻乖乖將玩具放低，然後揀了一支玩具槍。一家三口付款後先行離開，Anton十分開心的拿着玩具槍邊行邊玩，並一支箭跑出店外，沒多久呂慧儀發現記者，還笑住教囝囝跟記者打招呼說：「叫哥哥啦！同哥哥玩啦。」

前日記者致電Dickson，他透露兩歲囝囝已經返學前班，問夫婦二人是否經常買玩具給兒子？他說：「未必，睇啱先買，囝囝睇咗一本書，教環保嘅，佢大約知道唔可以浪費，所以有時會因為太多玩具而唔買。」究竟囝囝喜歡跟媽咪還是爹哋？Dickson說：「佢好識睇眉頭眼額，我喺度就跟我，媽咪喺度就跟媽咪。」記者問會否再追多一個，Dickson表示順其自然，但目前未有計劃。問到聖誕節假期如何度過，他表示要視乎太太是否要開工，由於自己一個人照顧囝囝有難度，所以暫未考慮會否出外旅行。
採訪、攝影：梁繼光、王梓嫚