早前自認跟伍詠薇撞樣的胡渭康，前晚7時許，單拖現身銅鑼灣白沙道行街，胡渭康先入了一間運動品牌專門店睇波鞋和外套，身上着了一件黃色tee的他，似乎對黃色情有獨鍾，揀外套時都拿起一件黃色褸睇，不過最後都空手離去。

之後胡渭康到利園二期行商場，經過H字頭的名店時，對櫥窗內的一件皮褸好有興趣，在店門外望了幾眼，店內的保安都望着他，以為胡渭康會入名店揀衫，但原來胡渭康只是window shopping，睇了一會兒就離去，在商場外不停講電話兼周圍望似在等人。

由於當日附近的大球場，剛巧舉行港足迎戰伊朗的足球賽事，好多球迷入場，有球迷和市民沿途大叫「光復香港，時代革命」口號，胡渭康聽到都有望着他們。

大約20分鐘後，有一名女士出現，胡渭康就跟她到茶餐廳醫肚，本來坐對着門口的枱，可能位置太張揚，其後兩人轉到角落位坐，大約半小時後各自離去。

採訪、攝影：梁繼光、羅德光

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港