當年今日
關於我們

【那些年做DJ的日子】梁繼璋被倪秉郎爬頭 李麗蕊出場無掌聲

蘋果日報 2018/09/06 19:18

林珊珊李麗蕊梁繼璋

港台最近製作節目《廣播道開咪》,由資深傳媒人林珊珊主持,節目中請咗多位DJ受訪。最新一集訪問咗梁繼璋同李麗蕊,佢哋係90年代出道嘅電台DJ,二人曾合作主持《清晨快活人》、《瘋Show快活人》,同埋深宵節目《輕談淺唱不夜天》。
佢哋喺訪問中,回憶番唔少趣事,有次佢哋喺節目中大講鬼故,竟然因為個鬼故太恐怖,惹來的士司機投訴,亦因為咁佢哋開始打響名堂。而李麗蕊曾喺節目中教聽眾講客家話,講番呢件事,林珊珊仲即場向李麗蕊偷師。
雖然李麗蕊同梁繼璋,曾經係好受歡迎嘅電台DJ,不過唔係個個都咁順風順水。講到辛酸事,梁繼璋坦言曾有迷失期,佢曾經多次進出電台,每每都要由低做起,而佢嘅師弟倪秉郎做咗佢上司。佢試過有感自己未能上手,被形容係「毒藥」,之後佢主持節目《清晨快活人》嘅成功,幫佢打咗支強心針。
至於李麗蕊,當年曾同四位女歌手林珊珊、林憶蓮、陳慧嫻同鮑翠薇,演出《初戀五重奏》音樂劇,當時林珊珊非常受歡迎,掌聲不斷,但當介紹李麗蕊出場時,卻鴉雀無聲,令佢好hurt好尷尬。不過,當年車淑梅由五分鐘環節做起,梁繼璋寄語年輕人,唔好睇小一個「小機會」。
精選娛聞,喺晒《娛果》
http://fb.com/appledailyent
empty
林珊珊、梁繼璋同李麗蕊,當年同期出道做DJ。
empty
二人合作無間。
empty
資深傳媒人林珊珊主持《廣播道開咪》。