菲律賓民答那峨棉蘭老島皇室酋長蘇丹公主陳昭昭昨晚於尖東舉行生日會，慶祝其43歲生日，同場出席包括戴志偉、仙樂都（Yoyo）及布偉傑等。陳昭昭每年都相約朋友一齊唱K飲酒慶祝，今年亦不例外，昭昭說：「通常新曆都係同朋友一齊慶祝，老公就會做司機，等我切完蛋糕嚟接我。自己好幸福乜都有，生日願望希望香港好，大家開開心心，最近搭的士，司機都有禮貌咗，大家互相鼓勵。」

昭昭忙於內地生意，但亦想抽時間編寫一本有關宗教的書籍，她說：「自己本身係讀神學，但係都會研究其他宗教，例如天主教、佛教，大家可以互相比較，因為每個人都覺得自己嘅諗法係啱，但係都可以聽下人哋講，好似香港而家咁需要包容。」

仙樂都與陳昭昭認識多年，Yoyo說：「佢教我好多嘢，例如做生意，開網店都係佢鼓勵我，今日會唱生日歌畀佢聽。」Yoyo表示忙於做飲食節目，因為拍飲食節目多而增磅，她表示要努力減肥。

採訪：張明
攝影：葉君海

------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9