【催淚放題】鄧達智與劉天賜銅鑼灣開騷 fb公佈因交通問題取消
蘋果日報 2019/11/02 17:30
鄧達智劉天賜
（資料圖片/facebook截圖）- 劉天賜在fb公告活動取消。（facebook截圖）
- 二人在電台有主持開節目，今日在銅鑼灣搞活動。
今日，有多區民主派候選人在維園舉行選舉聚會，大批市民到場參與，之後有不少克警在銅鑼灣戒備，最後又在鬧市大放催淚放題，驅散市民，場面混亂，其間有一名揸保時捷跑車司機向克警舉手指公，後來停車播《願榮光歸香港》，被警察強遭拉落車拘捕。
原本，劉天賜與鄧達智於5點鐘在銅鑼灣區舉行一個名為「鄧達智奇妙的生活」talk show就取消了，劉天賜在fb出帖文表示︰「因銅鑼灣交通問題宣告取銷（消），已購票的人會通知另訂日期。」《蘋果》就聯絡了鄧達智，他表示3點幾獲賜官通知取消，自己身在中環錄音：「佢通知我驚嚟聽講座嘅人唔方便，嚟唔到，我自己都有朋友嚟捧場，我都要即刻通知朋友唔好嚟。」鄧達智表示與賜官不嬲都有合作電台節目，今次talk show是賜官找他：「我都唔知係收費活動，佢叫我嚟講talk，我當然二話不說，當好似平時電台開騷咁，到出咗海報先知係收錢嘅活動。」
鄧達智表示活動如改時間視乎他的檔期才可決定，皆因他下星期開始會開始旅行：「會去美國同古巴，之後又會去日本、丹麥、倫敦同西班牙，只係得11月尾同12月初有時間，如果夾到就可以做，因為賜官之後都要返加拿大，佢一去就半年。」問到數月的抗爭運動對他收入有否影響，鄧達智表示沒有明顯影響，因為他的工作對口單位大多數是大陸，不過就有時與大陸民間組織傾合作計劃，對方都有問他有沒有參加激進示威活動，他表示對方只是簡單詢問，絕對不是審查態度。