曼聯中場保羅普巴今日來港為贊助商宣傳，佢係全球最高身價嘅球員，去年夏天以一億歐元身價由祖雲達斯轉投紅魔。不過，相比起香港嗰啲基建工程，普巴其實都係小兒科。

一億歐元轉會費，為番港紙8.7億。不過，喺造價844億嘅高鐵香港段前面，普巴嘅身價只係九牛一毛。香港政府呢筆用嚟起高鐵嘅錢，夠買97個普巴。據舊年嘅數字，喺港珠澳大橋項目，政府申請咗1,123億撥款，接近等於130個普巴。唔好講到基建咁大模規，普巴嘅身價雖然係球壇最高，但喺香港可能地都投唔到塊。上個月恒地以233億奪得中環美利道商業地，呢塊「超級地王」嘅身價等於26個普巴。