距離婚期還有1個多月,JM現在倒數做準新娘待嫁,日前被《蘋果》讀者吳先生透過「爆相爆片」撞見她與一名女友人在銅鑼灣買車仔麵外賣。相片中,JM一身名牌打扮,黃色恤衫襯白色貼身牛仔褲,戴金錶及拎住一個紅色的名牌手袋,一身後生闊太打扮,她正與車仔麵的店員落單,而她的女友人亦已拎住了外賣食物速遞的紙袋,估計二人要買多人的食物份量。吳先生向《蘋果》透露:「當日喺夜晚8點幾,JM就喺渣甸坊出現,去買車仔麵,見佢都化咗妝同着到一身名牌,見佢都幾靚,但就覺得佢孭唔起啲名牌,同埋途人都唔太認得佢。佢就order咗4碗車仔麵,而家一碗車仔麵都要40幾蚊,所以佢應該消費咗200蚊,佢同朋友等咗15分鐘,就拎住外賣,上咗一架7人車走。」