Now TV周日開P同超過150位曼市雙雄球迷睇打吡大戰，除咗搵本地樂隊RubberBand做嘉賓之外，仲搵埋紅魔鬼名宿沙夏出席。而RubberBand喺中場休息時，仲特別獻唱兩首名曲《ALIVE》同《發現號》，6號就話揀《ALIVE》嘅原因，係因為呢首全RubberBand唯一嘅英文歌曲，所以特別送畀沙夏喎。

Now TV仲特別安排交換禮物環節，等球迷可以向沙夏呢位曼聯名宿送禮。RubberBand率先代為送上一個錦盒，盒內藏有雙截棍，鍾意中國武術嘅沙夏即刻勁興奮，仲一時技癢，即場表演兩招。

即將慶祝成立十周年嘅RubberBand，近期動作多多，除咗籌備下年演唱會外，更為Now TV創作人氣主題曲《撐得住》，佢哋話呢首歌靈感源自時興嘅Dem beat打氣歌。曲詞簡單直接，接近口號式風格，令樂迷及球迷易於上口，記得「豁出去，撐得住」呢句歌詞。

雖則RubberBand四人情同手足，但講到睇波就各有各撐。泥鯭原來係資深球迷，鍾意嘅球員竟然係班尼斯同高巴拿年代嘅利物浦，不過佢講笑話自己年紀大，已捱唔到夜睇波。而噚晚着上曼城球衣嘅阿偉就係標準球迷，欣賞曼城嘅耶耶托尼。6號自言喜歡睇大賽如世界盃及歐洲國家盃，愛隊係巴西。至於鍾意打機嘅阿正，同樣是鍾意睇世界盃，不過佢嘅愛隊荷蘭就唔能夠入圍決賽周。

附上RubberBand為Now TV創作打氣主題曲《撐得住》供欣賞:

--------------------
球迷一定要知！英超一哥曼城，已經登陸『BFB』！登入即送藍月球星： http://bit.ly/2AAiPDS