剛周日（16日）沙田賽事爆到七彩，再加上連續跑了五日皇家雅士谷賽期仍以冷門當道，究竟散戶周日（23日）有否足夠子彈再博？

依馬會管理哲學，場數多寡與生意好壞成正比，但若明日投注額不升反跌，是否代表目前市況已經不同？

近期賽果太過兩極化，每日不夠兩倍獨贏及不夠12蚊位置的全熱門都有一堆，兼且唔係隻隻得，到爆起上來就是「勞動創造」及「開心好玩」這類毫無近績的不明物體，大戶還可靠回扣頂吓，散戶手無寸鐵，點捱！

最近陳嘉熙發揮論盡受到詬病，小伙子出賽經驗未夠，對騎功難有太大期望，但近期見他走位稍為不順便自亂陣腳，自信心的確正值低點。

翻看今次騎者胯下「萬事欣」、「幸運神駒」以及「超能量」等均有機會放頭主宰步速，屆時陳嘉熙騰雞放唔出，不只自己贏唔到，還會影響整場步速形勢，再加添下注變數。

第八場國際三級賽1800米精英碟，「馬克羅斯」最近跑得差，全因有跑法相近的「歡樂之光」剋住，上次跑2400米亦不夠氣。

今次沒有「歡樂之光」在陣，而「馬克羅斯」近期評分明顯下調，隨時可回復應有水準一放迄終，值得扒冷。

另外，頭場五班1200米，就算「萬事欣」放不出，仍有「自由旺」接力，預計步速不會慢，「怡昌福星」前仗田草1000米追唔切跑第四，上次加程1400米又爆唔起，試勻後今次中間落墨跑1200米恰到好處，步速偏快再幫一把。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX