港姐出身嘅馮盈盈，喺大台節目《後生仔傾吓偈》，話港姐嫁有錢人就會被人指係「公廁」或「做X」（相關新聞： https://bit.ly/2OpVGIi ），將港姐同呢啲網絡術語拉埋嚟講，搞到唔少人覺得佢大膽，就連師姐莊思明亦開口話「好cheap」，仲話會搞壞港姐形象（相關新聞： https://bit.ly/2MAlKPv ）。

嗱，雖然馮盈盈喺出事後話會再審視吓以後喺節目中，用字上係咪再溫和啲、忍晦啲，不過當晚亦份錄《後》嘅麥明詩，就似乎對莊思明個「cheap」字好有意見，今日post咗一張佢同馮盈盈嘅合照，而且仲寫住：「何謂cheap也？見風使舵、見利忘義、損人利己、坐享其成。只憑言辭一兩句而妄下斷言，未免略為膚淺。」力撐馮盈盈之餘，仲顯得出佢呢個cheap字，好明顯就係直線還拖，咁都唔止，麥明詩之後仲寫「#後生仔傾下偈有一集講cheap精」，似乎呢場港姐罵戰一觸即發！

而對於麥明詩今次抽擊，唔少網民都留言表示支持，「我地撑你。撑fyy撑後生仔」、「贊同你講法！支持你同馮盈盈繼續保持真愛，真實敢言永遠比虛假做作更吸引人，亦更符合現今社會。」、「支持你兩個，勁鐘意你兩個，又貼地又講得笑，好過其他垃圾偽人扮哂嘢又無風骨，睇見就想嘔」、「正，公然撐好友！support U both!真正美貌與智慧」。

精選娛聞，喺晒《娛果》
http://fb.com/appledailyent