今日大年初七立春日正式踏入雞年，不少善信前往荃灣圓玄學院攝太歲及祈福。荃灣眾安街往圓玄學院的綠色專線小巴站，在下午2時有逾百位市民排隊候車。

院方今年首次在新春期間採取人流管制措施，並加派人手管理，在殿外將人潮分流，架有帳篷及擺放風扇，方便善信輪候及進入元辰殿攝太歲。現場所見，今午人流未算逼爆，善信無需要在帳篷外排隊便可進殿，而殿內仍則有大批善信輪候參拜太歲，但未見混亂，場面十分熱鬧。

大學生林小姐與友人馮小姐是首次攝太歲，二人更特意挑選立春日到圓玄學院，「上網睇今日係吉日，立春太歲先到位，所以揀今日嚟。」不過，林小姐笑言，原先以為自己本命年屬雞是犯太歲，「之後去到個相士話自己屬猴，但新年一年一次，嚟到行過大運，求個好意頭，跟程序做一次。」新一年她希望家人身體健康，大家平安及心想事成。

友人馮小姐則到抵後經職員提醒發現，她並不適宜在今日攝太歲，「有啲事相沖，所以遲啲補返，攝多次。」談到新年願望，她希望可以身體健康，與家人事事順利。

另一大學生鄭小姐表示，雖然今年她無犯太歲，但習慣每年新春都會與家人到圓玄學院攝太歲。她續指，不知今日原來是立春日，「比想像中多人，嚟嘅時候要排長龍， 等咗﹙車﹚半個鐘。」她稱今年新年願望是希望家人身體健康。