樂瞳是家中長女，無論是父母或弟弟生日，她都會貼心為家人周詳安排，希望一家人都下美好回憶，證明她並非有異性冇人性。昨日是樂瞳媽咪生日大日子，樂瞳又一家出四口出動食好西。

樂瞳昨晚貼相Instagram分享，她留言：「媽媽生日快樂，我老竇好飲得。」樂瞳遺傳了媽咪的靚樣。《蘋果》今日問樂瞳給媽咪送上甚麼生日禮物？她說：「上年送咗個包包畀我媽咪，佢都冇用過，我自己都唔捨得買畀自己，下個月佢哋去歐洲旅遊，送啲歐羅畀佢哋使囉，折現實際啲，鍾意買乜都得。」樂瞳離開大台後，過去兩年發展理想，工作接唔停，收入多了，自然要孝敬家人。

樂瞳大爆媽咪生日願望是向她催婚，她說：「阿媽個生日願望希望我嫁得出。」以樂瞳條件，要嫁得出根本不難，加上她緋聞不絕，可是她擇偶卻「奄尖」，她說：「我都係叠埋心水做『凍齡老姑婆』啦，我阿媽純天然都keep咁好，我都想唔好膠，唔好皺到55歲，萬一如果仲未嫁得出都仲有market。」樂瞳口快快爆埋媽咪年齡的秘密，不過樂瞳媽咪真是保養得很好，兩人猶如兩姊妹。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI