蓋世寶今日在柴灣為ViuTV兒童節目《快樂童盟》錄影，她坦言上月底約滿無綫後，工作量的確比以前多，「未必所有工作都落實，但真係多咗好多。」提到今次為兒童節目擔任嘉賓，她笑說：「其實未正式完約時佢哋已經問過我，不過我覺得要完晒約先，呢個係操守，要尊重舊公司，我覺得好興奮，去咗第二個台嘅兒童節目。」至於有否後悔離開無綫？她表示：「冇！」

蓋世寶透露最近有美容公司的客戶邀她任代言人，「第一次做面部護理，我知我需要做，但我比較懶，趁住工作就可以積極啲試下，其實都要keep住做，個個都咁靚。」現時的收入比以前多？她說：「希望係，其實我離開公司一個月都未有。」會否簽經理人公司？她謂：「都有傾過下，但我唔想咁快有一個束縛，既然大家傾到一個合作模式，咁樣我會舒服啲，暫時性；以前一直係我自己度期，因為我都冇經理人，所以都忙。」失去了一份穩定的工作，蓋世寶指媽媽最初都好擔心，「佢覺得我冇咗份工，我三番四次咁勸佢唔好擔心，佢覺得我始終冇咗份底薪，但我同佢講『媽媽，本身份底薪都唔多，你擔咩心？』，不過我有信心好快會搵得番嗰份底薪，信心好緊要丫嘛，我盡量多啲返去食飯，畀佢見到我囉！」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI