深水埗高登電腦商場外的一段桂林街,大部份商舖在大年初一至三「收爐」,大批小販就打開炭爐和電爐,在行人路及馬路兩旁擺檔,售賣小食各有名堂。腸粉檔並非使用預製腸粉,檔主將米漿倒在特製蒸籠,再捲着鮮蝦、牛肉或叉燒,每份25元。油浸魚蛋檔檔主表示自製靚魚蛋,並非一般以麵粉和萬年油製成的次貨,「自己都食呢啲,唔想(人哋)覺得食麵粉,咬落係粉,唔係彈牙」。
食環署去年曾大規模掃蕩,令檔主經常「走鬼」,前晚未見有職員突擊檢控。市民Larry每逢新年來捧場,他讚揚桂林街小吃較多元化,「旺角舖頭都係煎釀三寶大路嘢,比較standard(標準),呢度比較多樣化」。他指舊區越來越少,新市鎮如將軍澳又未能容納街頭小吃,希望政府可保留特色小食,「青衣(長發)以前都有,𠵱家都比領匯商場化咗,我覺得係大勢所趨冇辦法,惟有過年嚟呢到憑弔吓」。