「上年冬至，細仔帶孫女返嚟陪我食飯，真係好開心，好想今年仲有機會，三代同堂一齊過節。」患肺癌馮伯（79歲）使用自費標靶治療後，病情大有起色，惟他靠綜援維生，無力支付一個半月18,856元藥費，蘋果日報慈善基金早前為馮伯所籌善款只夠多付一期藥費，面對斷藥在即，馮伯盼善長再施援手。
馮伯是印尼華僑，雖罹患頑疾，仍渴望能有一天有機會回印尼拜祭父母。「當年帶住老婆同兩個仔嚟香港搵食，一住幾十年，老婆同大仔都因病過身，細仔離婚獨力養女，佢做司機，生活都好艱難。」馮伯曾做五金工人，退休後靠積蓄維生；07年馮伯突確診患肺癌，服用醫院藥物名冊內的化療藥物，成效不大，遂改用醫生建議的自費標靶藥物，維持半年便耗盡積蓄，無以為繼。