港鐵又在高鐵上精彩嘅故事又增添一個，《信報》紀曉風引述消息指，港鐵每年耗資逾億，為內地口岸人員包伙食，原因係西九站因為消防條例問題，口岸區內不能設飯堂。

招標已經完成，估計合約總值1至2億，西九站內地口岸人員只有700個，以一年365日計，每個口岸人員伙食費高達到391元，更有趣嘅係，內地一般員工膳食津貼只有6元人民幣（約7港元）一餐。

從合理邏輯去睇，如果內地係畀開7元一餐，一日先至21元，點解過個口岸要用一個甚至遠高過香港消費水平嘅價值去招標？是因為保溫？運輸？餐後處理？供應商需提供可重用餐盒、雪櫃及翻熱工具，呢啲根本唔係飯盒成本，合約價值兩億，另外一億就應該足夠處理。

港鐵回覆《明報》又用熟悉概字句，話港鐵只係幫手招標，又用Direct Quote「如內地派駐機構接受招標結果，內地將承擔所須費用。」港鐵呢個「所須」後面係無寫全部，係咪代表港鐵要承擔部份費用，大家可以自行理解一下。

港鐵就高鐵相關新聞多多，據說有關招標工作已經截標，希望最終中招公司，不要被爆出與任何相關人士有什麼關連，否則故事續集將會很難看。

散子

全球樓行 Dream House零距離
https://hk.feature.appledaily.com/overseasproperty