港府出盡全力谷港版國安法，當然唔少得財爺陳茂波，今朝佢喺美國總統特朗普宣佈要取消香港優惠待遇後出嚟解畫，話決心捍衛聯繫滙率，但講到眼泛淚光，唔講仲以為佢收到風，好快俾美國制裁。之後解釋返因為攝影機頭嘅燈光，係「被流淚」咁話。

華華睇返歷史，原來波叔同美國好有淵源，原來陳茂波6歲嗰時受到美軍中尉契爺Bruce Brown助養，2010年仲帶埋老婆同個女去美國探望Bruce，當年國際培幼會仲出post話：「大家見面一刻恍如隔世，如失散親人般激動相擁，場面感人」。

到2012年時，波叔新上任發展局局長無幾耐，就俾劏房醜聞困擾，但唔夠兩個禮拜就話要請假陪個女去美國開學，當時哽咽地說：「天下父母心，希望大家理解」，被傳媒批「博同情」。

波叔為咗國安法，炮轟美國不應干預香港的內部事務，自己靠美軍養大轉軚反美，有網民就話「如果比Bruce知道個契仔咁瀨共，隨時心臟病發」。

李華華