當年今日
關於我們

【豪宅過平安夜】懶理老公被貼街招 林夏薇化身聖誕女郎同愛犬咀嘴

蘋果日報 2018/12/25 13:42

林夏薇聖誕莫贊生

林夏薇於15年嫁身家逾20億金融才俊莫贊生,在山頂豪宅舉行婚禮,十分風光,雖然最近老公被人貼街招指控為空心老倌(新聞連結: https://bit.ly/2EJBHlZ),但事件冇影響兩夫婦心情,噚日平安夜,林夏薇化身跌膊聖誕女郎,在豪宅中同愛犬玩咀嘴,由老公親自操刀拍片貼社交網,十分溫馨。
在短片中見到莫家豪宅一角,客廳佈置咗一棵好大嘅聖誕樹,仲有兩隻閃爆鹿公仔,兩隻愛犬都着咗聖誕衫,好可愛,聖誕女郎林夏薇坐喺地上同愛犬玩,其中一隻哥基不停伸脷錫女主人,十分嬌嗲,林夏薇邊笑邊閃避,最後更嘟嘴逗愛犬,哥基一個快捷跳起,終於成功同女主人嘴對嘴,林夏薇開心到哈哈大笑,更向鏡頭後嘅老公送飛吻。
雖然老公冇出鏡,但由豪宅嘅落地大玻璃窗反映,清楚睇到莫生嘅影子,林夏薇留言:「平安夜,祝福大家平安幸福!Merry Christmas!#聖誕二寶#金豬#金菠蘿」有眼利嘅網民留言:「看到莫先生,一家四口。」
日前莫贊生被人貼街招指控為空心老倌:「老婆生一個BB畀一億,邊有錢畀,提防股壇老千。」事後林夏薇回覆傳媒斥呢種行為好無聊,揚言兩夫婦行得正企得正,事件交警方處理。惟有傳媒查冊發現,莫贊生名下物業只剩一個居屋單位,林夏薇在社交網貼文似回應:「做人,別太傻,在不懂你的人面前,說得再多,也是浪費。在討厭你的人心中,做得再好,也是徒勞。與其把時間和精力花在不值得的人身上,還不如留給自己。」
精選娛聞,喺晒《娛果》 http://fb.com/appledailyent
empty
林夏薇同老公喺豪宅過平安夜(ig截圖)
empty
哥基好嗲(ig截圖)
empty
成功錫到女主人(ig截圖)
empty
林夏薇向鏡頭送飛吻(ig截圖)
empty
落地玻璃窗見到老公操刀拍攝(ig截圖)
empty
有火雞(ig截圖)
empty
有聖誕蛋糕(ig截圖)